S’oto de martzu est sa die internatzionale de is deretos de is fèminas.
Ònnia annu chi colat su tonu de sa manifestada resurtat prus pagu biatzu e si prenat de sentidos noos: is fèminas no ant mai acabadu de tribuliare pro nde istantargiare una sotziedade lìbera dae s’opressione, non cun sa punna de furriare is gerarchias de podere, ma pro torrare a imbentare sa manera de organizare sa sotziedade. Partende dae is comunidades, torrende a nde cosire e tessende·nde is filos.
Sa paristòria chi si solet contare in pitzu de su matriarcadu sardu est su frutu revolutzionàriu de is fèminas chi ant fatu custu traballu de connessione nointames is rolos sotziales e sa càrriga chi ddos acumpangiaiat.
A palas de su trèulu bàtidu dae custu presumidu matriarcadu sardu b’at su significu revolutzionàriu de is fèminas chi ant traballadu a custos ligàmines nointames is rolos sotziales e sa càrriga chi ddos acumpangiaiat, leende parte a sa vida pùblica cun is trastes a disponimentu issoro.
Su contributu de is fèminas a s’istòria de Sardigna est pagu connotu e est dovere colletivu a nde ddu recuperare.
Est una dragonera de ischire, fàghere e voluntade chi at cunditzionadu s’andanta de is eventos, calicuna borta a sa muda, calecun’àtera cun abbolotu: cun su corpus issoro, operajas in miniera e in fàbrica, mastras, impiegadas, sìndigas, ant ghiadu rebbellias e chèscias pro revendicare deretos, salàrios giustos e unu benidore mègius.
Dae semper in Sardigna is fèminas gherrant contra s’iscuncordu in is relatziones sotziales, mudant is làcanas de cantu aguantare a sa farta de prospetivas, a sa pèrdida de balores e de puntos de referèntzia.
Nointames is dificultades a otènnere rolos primàrios in cuntestos de podere, ant lassadu arrastu in s’istòria cun is capatzidades issoro a fàghere e a ingendrare, fintzas refudende pro issas e pro is fìgias unu benidore giai definidu e codificadu.
No est solu a nos limitare a remonare e a tzelebrare: s’erèntzia, s’imparu de is fèminas sardas chi nos ant pretzedidu non podet abarrare allega de cunferèntzias e cunvegnos feti ma si depent furriare a ainas cumpartzidas e faina cuncretas.
Pro ddu pòdere fàghere nos depimus ammentare, sighire s’arrastu chi ant lassadu: recuperare is filos, torrare a cumpònnere is istramados, pròpiu comente aiat fatu Maria Lai, candu, in su 1981 aiat “acapiadu” impare is domos de una comunidade e is de su monte.
Fiat istada un’acontèssida ispantosa e ùnica: sa prima faina artistica relatzionale de s’istòria.
Un’òpera chi aiat pertocadu una bidda intrea cun sa punna de rapresentare is relatziones umanas e su lìgamine cun sa naturalesa, cun su logu, in sa manera sua prus significativa: su monte, mitza de sustentu però de perìgulu puru.
Aiat impitadu una tira longa de roba, Maria Lai, artista bene raighinada e risoluta: aiat ascurtadu is persones e, cun cudda tira de 27 chilometros aiat aunidu is domos de Ussàssa. B’at istadu chie at definidu su de “s’acapiare a su monte” una festa folcloristica, oe ischimus chi est istadu un’atu revolutzionàriu e coragiosu, polìticu.
Ligàmines, amistades e fintzas fengas antigas e noas dd’as aiant marcadas cun sinnos diferentes: unu nodu pro apostivigare alleàntzias, unu frocu pro is relatziones amorosas, asinuncas sa bita lissa. Fiat tocadu a fàghere arràngios e a tènnere afrìsciu e Maria Lai aiat contadu chi is fèminas fiant istadas is primas a si ddoe pònnere.
Podimus rapresentare gasi s’erèntzia feminile chi oe in die diamus dèpere furriare in faina colletiva: sa capatzidade a bisare mundos noos, unu òrdine nou de is cosas. No pro punna a una cosmogonia revessa o pro pònnere fundu a susu is rolos de gènere in is àmbitos de pòdere ma pro resonare e traballare impari a unu modellu nou, a unu paradigma diferente e innovadore, una revolutzione sena violèntzia e cuntenta, pro una manera noa de manigiare su podere etotu e is relatziones chi nde dipendent.
ANS at allistadu tra is is balores suos su cuntrastu a ònnia forma de discriminatzione: pro custu cherimus ammentare s’importu de su contributu feminile a su fraigu betzu e nou de su sentidu de comunidade, a su pertènnere, a su de cumpònnere relatziones, sèmene saliosu de su bivere sotziale e tzivile.
L’otto marzo ricorre la giornata internazionale dei diritti delle donne.
Ogni anno che passa perde sempre più l’afflato retorico e si intride di significati nuovi: le donne non hanno mai smesso di operare per la costruzione di una società libera dalle oppressioni, non con l’obiettivo di invertire le gerarchie di potere, ma per reinventare il modo di organizzare le comunità. Partendo dalle comunità, ricucendo e tessendone i fili.
Dietro l’equivoco del presunto matriarcato sardo c’è il portato rivoluzionario delle donne che hanno fatto questo lavoro di connessione nonostante i ruoli sociali e il carico che ne consegue, partecipando alla vita pubblica, con gli strumenti di cui disponevano.
Il loro contributo alla storia della Sardegna è poco conosciuto ed è un dovere collettivo recuperarlo.
È un fiume carsico di saperi, pratiche e volontà, che ha influito sul corso degli eventi, talvolta in modo silenzioso, talvolta in modo eclatante: con i loro corpi, operaie in miniera e in fabbrica, maestre, impiegate, sindache, hanno guidato rivolte e proteste per rivendicare diritti, salari equi, un futuro migliore.
Da sempre in Sardegna le donne lottano contro la disgregazione delle relazioni sociali, trasformano il margine in frontiera di resistenza alla mancanza di prospettive, alla perdita di valori e punti di riferimento. Nonostante le difficoltà a ricoprire ruoli apicali nei contesti di potere, hanno inciso sulla storia con le loro capacità creative e generative, anche rifiutando per sé e per le proprie figlie destini già preconfezionati, codificati.
Non ci si può limitare a rievocazioni e celebrazioni: l’eredità, gli insegnamenti delle donne sarde che ci hanno precedute non può essere solo oggetto di conferenze e convegni, ma devono diventare un insieme di metodi condivisi, di azioni concrete.
Per poterlo fare dobbiamo ricordare, seguire le tracce che hanno lasciato: recuperare i fili e ricucire quelli che si sono rotti, proprio come fece Maria Lai, quando, nel 1981, decise di “legare insieme” le case di una comunità, e le case con la montagna.
Fu un evento senza precedenti: la prima azione artistica relazionale della storia.
Un’opera che coinvolse un intero paese con l’obiettivo di rappresentare i rapporti umani e il legame con la natura, con il luogo, nella sua forma più emblematica: la montagna, fonte di sostentamento ma anche di pericolo.
Usò un nastro, Maria Lai, artista radicata e radicale: ascoltò la gente e, con quel nastro di 27 chilometri, unì le case di Ulassai. Ci fu chi definì “Legarsi alla montagna” una festa folkloristica, oggi sappiamo che fu un atto rivoluzionario e coraggioso, politico.
Legami, amicizie, ma anche rancori vecchi e recenti vennero palesati con differenti segni:
un nodo a sancire alleanze, un fiocco per le relazioni amorose, altrimenti il nastro liscio.
Furono necessari compromessi e Lai raccontò che le donne furono le prime a lasciarsi coinvolgere.
Si può rappresentare così l’eredità femminile che ogni giorno dovremmo rendere azione collettiva: la capacità di immaginare nuovi mondi, un nuovo ordine nelle cose. Non per aspirazione a una semplice cosmogonia rovesciata o una banale inversione dei ruoli di genere negli ambiti di potere, ma per ragionare e lavorare insieme a un modello nuovo, a un paradigma diverso e innovativo, una rivoluzione non violenta e felice, per un nuovo modo di gestire il potere stesso e i rapporti che ne discendono.
ANS ha inserito tra i suoi valori il contrasto a ogni forma di discriminazione: per questo vogliamo ricordare l’importanza del contributo delle donne nella costruzione e ri-costruzione del senso della comunità e dell’appartenenza, nel ricucire relazioni, seme fecondo del vivere sociale e civile.