Mèrcuris su 20 de cabudanni amus addobiadu in sa retza a Oskar Garcia de Vicuña, chi traballat pro Euskaltzaleen Topagunea, una federatzione de assòtzios de totu Euskal Herria chi coordinat progetos cun sa punna de fàghere crèschere s’impreu de s’euskera.
S’addòbiu dd’at postu in pee s’Assemblea Setoriale de Limbas de Assemblea Natzionale Sarda, in su caminu chi at a portare finas a su fèstival “Fàulas” – Su Festival chi bortulat is logos comunes in contu de Sardigna, su 7 e s’8 de Ladàmini in Aristanis.
Unu addòbiu intensu e de interessu mannu chi dd’at sighidu trinta e prus persones chi ant ascurtadu cun curiosidade manna su chi nos at contadu Oskar in contu de s’euskera, de su traballu suo e prus che totu de s’”esertzìtziu massivu” de Euskaraldia chi, mancari de una forma diferente e cunforma a s’organizatzione de su fèstival, Assemblea Natzionale Sarda at a portare pro sa primu borta in Sardigna – in Aristanis – pro Fàulas, cun s’ispera chi custu esertzìtziu s’at a isparghinare a bellu a bellu in totu sa sotziedade sarda. Oskar est su coordinadore de Euskaraldia in is provìntzias de Bizkaya e Araba.
Sa sotziedade de Euskal Herria pigat cussèntzia
Su caminu de Euskaraldia – in sardu, “su tempus de s’euskera” – pro cambiare is costumàntzias lingusiticas de is euskaldun – is chi faeddanteuskera – e fomentare su faeddare in euskera est cumintzadu pustis de unu esperimentu sotziale de s’iscritore Lutxo Egia, chi at mòvidu is cussèntzias e is sensibilidades de gente meda.
In su 2015, Lutxo Egia, at isseberadu de faeddare pro unu annu intreu in euskera ebbia – a bortas in ingresu – e mai at impreadu is lìnguas majoritarias chi apretant cun su pee sa lìngua minorizada.
In su colare de s’annu s’est abigiadu de unu paradossu mannu meda: is chi faeddant duas lìnguas, mancari tèngiant prus connoschèntzias, sunt discriminados, giai chi in cuntestos meda non podent faeddare sa lìngua minorizada e ddis tocat a mala bògia a faeddare sa lìngua dominante.
Difatis, mancari giai totus is euskaldun connoscant puru su castillianu o su frantzesu – Euskal Herria est una Natzione pratzida intre s’istadu ispanniolu e s’istadu frantzesu – non totus is chi bivint in Euskal Herria e faeddant su castillianu e su Frantzesu connoschent e faeddant s’euskera.
Custu esperimentu at fatu cumprèndere chi tocàt a cambiare istrategia pro mantènnere bivu s’euskera e chi fiat pretzisu a passare de sa “valorizatzione” de sa lìngua – est a nàrrere, de su fàghere cumprendere s’importu sotziale chi tenet e chi no est birgòngia a dda faeddare – a su ispìnghere is persones chi dd’ischint a dda allegare.
Tando in duas biddas, unu annu a pustis, in su 2016, ant isseberadu de faeddare pro dies intreas in euskera ebbia e sighende custu tretu, in su 2017 unas cantu organizatziones e assòtzios de totu Euskal Herria ant comintzadu a si organizare incarrerende su caminu fache a sa primu editzione de Euskaraldia in su 2018.
It’est Euskaraldia e comente funtzionat
Euskaraldia est una pratica chi pertocat totu sa sotziedade de Euskal Herria in calichisiat logu o àmbitu – chi siat in domo, in una banca, in una bùtega, in iscola, in s’universidade, in istrada etc. – unu esercìtziu massivu e volontàriu de duas chidas – mancari s’organizatzione sigat pro totu s’annu – chi si isbòddiat pro mèdiu de s’identificatzione visiva de totus is euskaldun.
Sa punna est sa de bìnchere unos cantu barrancos chi portant a sa situatzione chi in sotziolinguistica ddi narant “stress linguìsticu” e chi portat una lìngua a si nche mòrrere: su de non faeddare in euskera intro de gente chi non si connòschet, su de non faeddare in euskera in unos cantos cuntestos, su de passare deretu a sa lìngua dominante cando in unu grupu de prus persones ndi ddoe at finas una isceti chi s’euskera giae ddu cumprendet ma non lu faeddat. Situatziones chi is sardofonos etotu bivint dònnia die.
Pro pigare parte a custu esercìtziu volontàriu tocat a su mancu a cumprèndere un pagu s’euskera.
Chie cheret podet isseberare intra de duos ruolos e dd’ammustrat ponende•sì una de duas ispilligheddas: sa de una tenet sa figura de una origa e a sa persone chi dda ponet ddi narant “belarriprest” (origa atenta) e sa de duas tenet sa figura de una buca e a is chi dda tenent ddi narant “ahobizi” (buca bia).
Is belarriprest cumprendent s’euskera e ammustrende sa figura de s’origa cumbidant a is chi l’ischint faeddare a ddu faeddare cun issos. Issos ant a torrare in sa lìngua chi prus dd’aggradat cunforma a sa gana, a is cirustàntzias, a is cumpetèntzias, a sa persone chi tenent a innantis. À tènnere s’ispilla de s’origa non bolet nàrrere a non ischire allegare in euskera, ma est unu isseberu personale chi podet nàschere finas de su non pòdere o non bòllere allegare sa lìngua minorizada in totu is circostàntzias.
Chie isseberat de èssere ahobizi sipigat s’impìgnu, in cuddas dies, de salludare e cumentzare is conversatziones semper e cun totus in euskera, de faeddare in euskera cun totus is persones chi ddu cumprendent e si ddu mustrant cun s’ispilla de s’origa – mancari issas arrespondent in castillianu o frantzesu – e de si adatare a su livellu de cumpetèntzia de is persones chi ddi sunt chistionende.
Oskar nos at amentadu de una cosa de importu mannu de tènnere in contu in su fàghere custu esertzìtziu massivu: su de agire semper cun positividade. Nemos depet èssere giùighe e nemos depet nàrrere cosa a chie non cheret partecipare o a chie non faeddat bene sa lìngua, prusaprestu tocat a rispetare s’isseberu de cada persone e avvalorare s’impignu de chie si cheret pònnere in giogu chirchende de binchere timorias e barrancus chi firmant s’impreu de una lìngua minorizada che s’euskera o su sardu.
Euskaraldia at agiudadu a binchere unas cantu circustantzias chi portant a una situatzione de “stress linguìsticu” e at afortiadu e in parte normalizadu is conversatziones bilingues, èssere a nàrrere su de faeddare sena problema perunu in euskera cun persones chi ddu cumprendent ma respondent in castillianu o frantzesu.
Is chircas ant mostradu chi in is duas chidas de Euskarladia sa pertzentuale de persones chi faeddant in euskera creschet meda, poi, pustis de cada editzione (2018, 2020 e 2022) torrat a calare in is tres meses chi sighint, ma cada borta si firmat a unu livellu prus artu de antis de cuddas duas chidas.
Organizatzione
S’organizatzione est cumplessa meda e pratzida in prus livellos. A sa base ddoe sunt is assembleas populares de biddas e tzitades chi traballant totu s’annu pro fàghere connòschere a totus su chi s’at a fàghere in is duas chidas de Euskaraldia, pro fraigare retzas, pro coberare su dinare chi serbit a una organizatzione aici manna.
Unu traballu turmentosu de coordinamentu ponet in pari sa base cun is organizatziones chi istant prus in artu, est a nàrrere is istitutziones: tocat a nàrrere chi su rolu de is istitutziones, mancari Euskaraldia siat una initziativa chi nàschet dae su pòpulu, est de importu.
Comente nosi at contadu e mostradu Oskar cun unos cantos gràficos, sa difusione e s’impreu de s’euskera difatis cambiat meda cunforma a sa voluntade de is istitutziones de traballare e investire pro afortiare sa lìngua locale e prus che totu cunforma a s’ofitzialidade de sa lìngua: in is regiones in ue s’euskera est lìngua ufitziale i est impreadu e imparadu in iscola in cada livellu – e finas in s’universitade – sa pertzentuale de persones chi ddu faeddant est prus arta meda.
A s’imbresse, in regiones in ue non ddoe at sa possibilidade de istudiare in euskera – francu in iscolas privadas e tando isceti pro gente chi tenit dinare pro ddas pagare – sa pertzentuale de persones chi faeddant est bàscia.
Custu diat dèpere essere unu ammonestu pro is sardos e is istitutziones, ca sa morte de una lìngua no est praneta mala, ma est unu isseberu polìticu.
Assemblea Natzionale Sarda portat Euskaraldia in Sardigna
Sighende s’esempru de is bascos, Assemblea Natzionale Sarda at a portare pro sa primu borta s’esertzìtziu massivu de Euskaraldia in Sardigna, cun s’ispera chi àteras initziativas che a custa ant a intzaurrare e s’ant a isparghinare in totu s’ìsula.
No ant a èssere duas chidas in totu sa Sardigna, ma duas dies in una tzitade – Aristanis – in ocasione de su fèstival Fàulas, su sete e s’oto de Santu Gaine – inoghe podides lègere totu su programma. Assemblea Natzionale Sarda at imprentadu unas cantas ispillas cun una buca – “buca iscapa” – e una origa – “origa parada” – e dae su sàbadu a su domìnigu, a is eventos chi s’ant a isboddiare, chie cheret – nemos est obligadu – podet pigare una de is duas ispillas e isseberare de èssere, pro duas dies, belarriprest o ahobizi (gasi est chi narant is bascos).
Mercoledì 20 settembre abbiamo incontrato on-line Oskar Garcia de Vicuña, che lavora per Euskaltzaleen Topagunea, una federazione di associazioni di tutti i Paesi Baschi che coordina progetti che hanno l’obbiettivo di far crescere l’utilizzo dell’euskera – la lingua basca.
L’incontro è stato organizzato dall’Assemblea Settoriale “Limbas” di Assemblea Natzionale Sarda, come parte del percorso che ci porterà a Fàulas – Il Festival che ribalta i luoghi comuni sulla Sardegna, che si svolegerà il 7 e l’8 ottobre a Oristano.
Un incontro intenso e di grande interesse che è stato seguito da oltre trenta persone che hanno ascoltato con grande curiosità ciò che ci ha raccontato Oskar riguardo all’euskera, al suo lavoro e più precisamente dell’esercizio di massa “Euskaraldia” che, seppur in forma differente e in conformità con l’organizzazione del festival, Assemblea Natzionale Sarda porterà per la prima volta in Sardegna – a Oristano – in occasione di Fàulas, con l’auspicio che questa pratica si diffonda pian piano in tutta la società sarda.
Oskar è coordinatore di Euskaraldia nelle province di Bizkaya e Araba.
La società dei Paesi Baschi prende coscienza
Il cammino di Euskaraldia – in italiano “il tempo dell’euskera” – per cambiare le abitudini linguistiche degli euskaldun – chi parla la lingua basca – e fomentare l’utilizzo della lingua è cominciato in seguito a un esperimento sociale dello scrittore Lutxo Egia, che ha smosso le coscienze e la sensibilità di numerose persone.
Nel 2015, Lutxo Egia, ha scelto di parlare per un anno intero soltanto in euskera – talvolta in inglese – senza mai utilizzare le lingue maggioritarie che schiacciano la lingua minorizzata.
Nel corso dell’anno si è reso conto di un grande paradosso: chi parla due lingue, nonostante abbia maggiori conoscenze, risulta essere discriminato, poiche in numerosi contesti non può parlare la lingua minorizzata ed è obbligato a utilizzare la lingua dominante.
Infatti, nonostante praticamente tutti gli euskaldun conoscano anche il castigliano o il francese – Euskal Herria (i Paesi Baschi) sono una nazione divisa tra lo stato spagnolo e lo stato francese – non tutte le persone che vivono nei Paesi Baschi conoscono e parlano l’euskera.
Questo esperimento ha fatto campire che era necessario intraprendere un cambio di strategia per mantenere in vita l’euskera e che era necessario passare dalla “valorizzazione” della lingua – cioè il far capire l’importanza sociale che ricopre e che non è una vergogna parlarla – allo spingere le persone che la conoscono ad utilizzarla.
Allora due paesi, un anno dopo, nel 2016, si è scelto di parlare per giornate intere solamente in euskera, e ispirate da questi primi esperimenti, nel 2017 diverse organizzazioni e associazioni di tutti i Paesi Baschi hanno iniziato ad organizzarsi avviandosi sul cammino che avrebbe portato alla prima edizione di Euskaraldia nel 2018.
Cos’è Euskaraldia e come funziona
Euskaraldia è una pratica che coinvolge tutta la società dei Paesi Baschi in ogni luogo e ambito – che sia in casa, in una banca, in un negozio, a scuola, all’università, in strada etc. – un esercizio di massa e volontario di due settimane – benché l’organizzazione vada avanti per tutto l’anno – che si svolge attraverso l’identificazione visiva di tutti gli euskaldun.
L’obbiettivo è quello di superare alcuni ostacoli che portano a quella condizione che in sociolinguistica viene definita di “stress linguistico” e che porta una lingua alla sua morte: il non parlare in euskera con persone che non si conoscono, il non parlare euskera in determinati contesti, il passare direttamente all’utilizzo della lingia dominante quando in un gruppo di più persone ce n’è anche una soltanto che l’euskera lo capisce ma magari non lo parla.
Situazioni che anche i sardofoni vivono quotidianamente.
Per prendere parte a questo esercizio volontario è necessario almeno capire un po’ l’euskera.
Chi vuole può scegliere tra due ruoli e lo mostra agli altri mettendo una tra due spille: in una è rappresentata un’orecchia e la persona che la mette viene chiamata “belarriprest” (udito attento) e nella seconda è rappresentata una bocca e chi la mette vieni chiamato “ahobizi” (bocca viva).
I belarriprest capiscono l’euskera e mostrando l’immagine dell’orecchia invitano chi lo sa parlare a farlo con loro. Loro risponderanno nella lingua che preferiscono, conformemente alla voglia del momento, alle circostanze, alle competenze e alla persona che hanno davanti. Mettere la spilla dell’orecchia non significa per forza non saper parlare l’euskera, ma è una scelta personale che può nascere dal non potere o non voler parlare la lingua minorizzata in ogni circostanza.
Chi sceglie di essere ahobizi si prende l’impegno, per quei giorni, di salutare e cominciare le conversazioni sempre e con tutti in euskera, di parlare in euskera con tutte le persone che lo capiscono e glielo mostrano con la spilla con su rappresentata l’orecchia – anche se queste dovessero rispondere in castigliano o francese – e di adattarsi al livello di competenza delle persone con le quali stanno parlando.
Oskar ci ha ricordato una questione molto importante da tenere a mente nel fare questo esercizio di massa: quella di agire sempre con positività. Nessuno deve essere giudice e nessuno deve rimproverare chi sceglie di non partecipare o chi non parla bene la lingua, piuttosto bisogna rispettare la scelta di ogni persona e valorizzare l’impegno di chi si vuole mettere in gioco provando a vincere le paure e gli ostacoli che spesso bloccano l’utilizzo di una lingua minorizzata quale l’euskera o il sardo.
Euskaraldia ha aiutato a superare diverse circorstanze che portano a una situazione di “stress linguistico” e ha rafforzato e in parte normalizzato le conversazioni bilingue, ovvero il parlare in euskera senza porsi alcun problema con persone che lo capiscono ma rispondono in castigliano o francese.
Le ricerche hanno mostrato che nelle due settimane di Euskaraldia la percentuale di persone che parlano in euskera cresce molto, poi, dopo ogni edizione (2018, 2020 e 2022) ricomincia a calare nei tre mesi successivi, ma ogni volta si ferma a un livello di parlanti maggiore rispetto a quello precedente le due settimane dell’esercizio massivo.
Organizzazione
L’organizzazione è molto complessa e divisa in più livelli. Alla base ci sono le assemblee popolari dei paesi e delle città, che lavorano tutto l’anno per far conoscere a tutti ciò che si farà nelle due settimane di Euskaraldia, per costruire reti, per recuperare i finanziamenti necessari a una organizzazione così grande.
Un lavoro molto impegnativo di coordinamento che mette insieme la base con le organizzazioni che si trovano più in alto, ovvero le istituzioni: bisogna dire che il ruolo delle istituzioni, per quanto Euskaraldia sia una iniziativa che nasce dal popolo, è importante.
Come ci ha raccontato e fatto vedere Oskar per mezzo di numerosi grafici, la diffusione e l’utilizzo dell’euskera varia molto infatti sulla base della volontà delle istituzioni di lavorare e investire per rafforzarela lingua locale, e sopratutto in base all’ufficialità o meno della lingua: nelle regioni in cui l’euskera è ufficiale ed è utilizzato e insegnato nelle scuole a ogni livello – e anche all’università – la percentuale di persone che lo parlano è molto più alta.
Al contrario, nelle regioni nelle quali non c’è la possibilità di studiare in euskera – tranne nelle scuole private e quindi solo per persone che hanno soldi per pagarle – la percentuale delle persone che lo parlano è bassa.
Questo dovrebbe essere un monito per i sardi e le istituzioni, giacché la morte di una lingua non è dovuta un destino malvagio, ma è una scelta politica.
Assemblea Natzionale Sarda porta Euskaraldia in Sardegna
Seguendo l’esempio dei baschi, Assemblea Natzionale Sarda porterà per la prima volta l’esercizio di massa di Euskaraldia in Sardegna, con l’auspicio che altre iniziative come queste germoglino e si diffondano in tutta l’isola.
Non saranno due settimane in tutta la Sardegna, ma due giorni in una città – Oristano – in occasione di Fàulas, il 7 e l’8 di Ottobre. Clicca qui per scoprire il programma intero.
Assemblea Natzionale Sarda è stampato spille con una bocca – “buca iscapa” – e con una orecchia – “origa parada” – e dal sabato alla domenica, nel corso dei vari eventi, chi vorrà – nessuno è obbligato – può prendere una delle due spille e scegliere di essere, per due giorni, belarriprest o ahobizi (così come dicono i baschi).