Nanneddu meu,
su mund’est gai,
a sicut erat
non torrat mai.
Semus in tempos
de tiranias,
infamidades
e carestias.
Como sos populos
cascant che cane,
gridende forte:
«Cherimus pane».
Famidos, nois
semus pappande
pan’ ’e castanza,
terra cun lande.
Terra c’a fangu
torrat su poveru
senz’alimentu,
senza ricoveru.
B’est sa filossera,
impostas tinzas,
chi nos distruint
campos e binzas.
Undas chi falant
in Campidanu,
trazan tesoros
a s’oceanu.
Cixerr’in Uda,
Su Masu, Assemene,
domos e binzas
torrat a tremene.
E non est semper
ch’in iras malas
intrat in cheja
Dionis’Iscalas.
Terra si pappat,
pro cumpanaticu
bi sunt sas ratas
de su focaticu.
Cuddas banderas
numeru trinta,
de binu ’onu,
mudad’han tinta.
Appenas mortas
cussas banderas
non piùs s’osservant
imbreagheras.
Amig’a tottus
fit su Milesu,
como lu timent,
che passant tesu.
Santulussurzu
cun Solarussa
non sunt amigos
pius de sa bussa.
Semus sididos
in sas funtanas,
pretende s’abba
parimus ranas.
Peus sa famene
chi, forte, sonat
sa jann’a tottus
e non perdonat.
Avvocadeddos,
laureados,
bussacas buidas,
ispiantados.
In sas campagnas
pappana mura,
che crabas lanzas
in sa crisura.
Cand’est famida
s’avvocazia,
cheres chi penset
in Beccaria?
Mancu pro sognu,
su quisitu
est de cumbincher
tant’appetitu.
Poi, abolidu
pabillu e lapis
intrat in ballu
su rapio rapis.
Mudant sas tintas
de su quadru,
s’omin’onestu
diventat ladru.
Sos tristos corvos
a chi los lassas?
Pienos de tirrias
e malas trassas.
Canaglia infame
piena de braga,
cherent s’iscettru
cherent sa daga!
Ma non bi torrant
a sos antigos
tempos, de infamias
e de intrigos.
Pretant a Roma,
mannu est s’ostaculu;
ferru est s’ispada
linna est su baculu.
S’Intulzu apostulu
de su Signore
si finghet santu,
ite impostore.
Sos corvos suos
tristos, molestos,
sunt sa discordia
de sos onestos.
E gai chi tottus
faghimus gherra,
pro pagas dies
de vida in terra.
Dae sinistra
’oltad’a destra
e semper bides
una minestra.
Maccos, famidos,
ladros. Baccanu
faghimus, nemos
halzet sa manu.
Adiosu Nanni,
tenedi contu,
faghe su surdu,
’ettad’a tontu;
a tantu, l’ ’ides,
su mund’est gai
a sicut erat
non torrat mai.
Nanneddu mio
il mondo è così,
a sicut erat
non torna mai.
Siamo in tempi
di tirannie,
infamie
e carestie.
Ora i popoli
sbadigliano come cani,
gridando forte:
«Vogliamo pane».
Affamati, noi
stiamo mangiando
pan di castagne
terra con ghiande.
Terra come fango
riduce il povero
senza alimento,
senza ricovero.
C’è la filossera,
imposte, tigne,
che ci distruggono
campi e vigne.
Onde che scendono
in Campidano,
trascinano tesori
all’oceano.
Il Cixerri a Uta,
Elmas, Assemini,
case e vigne
riduce in dirupi.
E non è sempre
che nelle tempeste
entra in chiesa
Dionigi Scalas.
Terra si mangia,
per companatico
ci son le rate
del focatico.
Quelle bandiere,
di numero trenta,
di buon vino,
han cambiato tinta.
Appena sparite
quelle bandiere
non più si vedono
ubriacature.
Amico di tutti
era il Milese,
ora lo temono,
gli passano lontano.
Santulussurgiu
con Solarussa
non sono più amici
della borsa.
Siamo assetati
nelle fontane,
contendendoci l’acqua
sembriamo rane.
Peggio la fame
che, forte, bussa
alla porta di tutti
e non perdona.
Avvocatucci,
laureati,
tasche vuote,
spiantati.
Nelle campagne
mangiano more,
come capre magre
nelle chiuse.
Quando è affamata
l’avvocatura,
vuoi che pensi
a Beccaria?
Neanche per sogno,
il quesito
è di appagare
tanto appetito.
Poi aboliti
carta e lapis
entra in campo
il rapio rapis.
Mutano i colori
del quadro,
l’uomo onesto
diventa ladro.
I tristi corvi
a chi li lasci?
Pieni di astio
e male trame.
Canaglia infame
piena di boria,
voglion lo scettro
voglion la daga!
Ma non ritornano
agli antichi
tempi, di infamie
e di intrighi.
Litigano a Roma,
grande è l’ostacolo;
ferro è la spada
legno è il bacolo.
L’Avvoltoio apostolo
del Signore
si finge santo,
che impostore!
I corvi suoi
tristi, molesti,
son la discordia
degli onesti.
E così tutti
facciamo guerra,
per pochi giorni
di vita in terra.
Da sinistra
vòltati a destra
e sempre vedi
una minestra.
Pazzi, affamati,
ladri. Baccano
facciamo, nessuno
alzi la mano.
Addio Nanni,
riguardati,
fai il sordo
fingiti tonto.
Che tanto, lo vedi,
il mondo è così,
a sicut erat
non torna mai.